Gaur egungo eskolek euren esku dituzten baliabide teknologikoak anitzak diren arren, irakasleek aurrera eramaten dituzten irakas-prozesu eta metodoak ez dituzte betiko irakaskuntza tradizionaletik aldentzen dituzten aldaketarik pairatu orokorrean.
Irakasleek irakaskuntza planifikatzerakoan erabiltzen dituzte batez ere edota irakas-metodo tradizionalaren gehigarri moduan, hala nola, power pointaren bidezko aurkezpen teorikoak, ariketen prestaketan…etab. Azken finean ikasleek antzemango ez dituzten alderdietan.
Ikasleei ez zaie euren ikasketak aberasteko eta erabiltzeko tresna bezala aurkezten baizik eta irakasleek erabili beharreko elementu gehigarri moduan. Beraz, baliabide teknologikoak eskoletara sartzen lortu bada ere, hauek ez dute irakasleen praktika pedagogikoan eta metodologian eraginik izan.
Ikasleek, erabiltzeko tresna moduan ikusi behar dituzte aurrerapen teknologiko hauek guztiak, euren bizitzan zehar aurrera eramango duten ikas-prozesuan baliogarriak izango direnak, euren bidez ikertu ahal izateko eta beharrezkoak dituzten informazioak bilatzen jakiteko, honela, euren kabuz ikasten jarraitu ahal izateko. Baina hau guztia lortzeko, irakasleen metodologian eta praktika pedagogikoan aldaketak ematea beharrezkoa litzateke.
Suscribirse a:
Enviar comentarios (Atom)
No hay comentarios:
Publicar un comentario